HomeTechnology

Aadhar Card Kaise Download Kare – Online Aadhar Card Kaise Nikaale

Like Tweet Pin it Share Share Email

Hello friends aaj me aap logon ke saath bahut hi trending article share karne ja raha hun jiske jariye aap apne phone number se hi ghar baithe Aadhar card download kar sakte hain aur usko nikaal sakte hain.Doston agar aapko apne mobile number ke jariye apna aadhar card download karna hai toh yaad rahe ki woh phone number aapke aadhar card ke saath registered hona chahiye.

Aadhar card kaise download kare

Agar aapke aadhar card ke saath aapka phone number juda hua nahin hai toh aap bina Aadhar number ke apna aadhar card download nahin kar sakte.

Bahut logon ke saath aisa hota hai ki woh aadhar card banwaakar aate hain lekin unki slip kho jaati hai jiski wajah se Unko aadhar card nikalwane me bahut dikkat hoti hai lekin ab aapko jyada pareshan hone ki jaroorat nahin hai kyunki ab agar aapka phone number aapke aadhar card ke saath register hai toh aap mobile number ke jariye bhi apna aadhar card nikalwa sakte hain.

Me jo process aap logon ko batane wala hun usme aapko pahle ye jaanne ko milega ki apne phone number ke jariye Aadhar number kaise pata karte hain.Toh chaliye doston start karte hain.

Agar aapke paas aapke aadhar card ki slip hai ya phir aapko aapka Aadhar number pata hai toh aap method 1 ko chod de aur method 2 padhe usme maine bataya hai ki Aadhar number se aadhar card kaise nikaalte hain.

Mobile Number Ke Jariye Aadhar Number Kaise Pata Kare

Agar aap apna Aadhar card phone number ke jariye nikaalna chahte ho toh aapka phone number aadhar card se registered hona bahut jaroori hai kyunki agar number pata nahin hua toh sirf Aadhar number ke jariye hi aadhar card download kiya ja sakta hai.

Method 1.

Doston Aadhar card download karne ke liye Aadhar number maloom hona bahut jaroori hai isliye isliye pahle aap apne phone number ke jariye apna aadhar number nikaal lijiye uske liye aap yahan click kare – resident.uidai.gov.in

aadhar number details

  1. Pahle aap apna woh naam daale jo aapke aadhar card ke saath laga hua hai.
  2. Ab aap apna phone number daaliye.
  3. Ab jo code diya hai usko daaliye.
  4. Ab aap Send one time password par click kariye.
  5. Ab aapke number par ek otp message aayega usko daale.
  6. Ab verify otp par click kar de.

Verify otp par click karne ke baad aapke saamne ek message aa jaayega Congratulation

congratulation

Ab aap apne phone me check kar sakte hain ek message aaya hoga jisme aapka Aadhar card ka number diya gaya hoga.

Method 2.

Jaise ki isse pahle maine aapko Aadhar number nikaalne ke baare me bataya hai ab me aapko us aadhar number ke jariye aadhar card kaise download karte hain ye bataunga.

Sabse pahle aap yahan par click karke Aadhar card download karne ki website par jaaye –eaadhaar.uidai.gov.in

form of aadhar download

  1. Pahle aap apna Aadhar number daaliye.
  2. Ab aap apna full name daaliye jo aadhar card par hai.
  3. Ab aap apni location ka pin code daaliye
  4. Ab jo code image me diya hua hai usko daaliye.
  5. Ab aap Get one time password par click kariye.
  6. Get one time password par click karne ke baad aapke phone par ek otp code aaya hoga usko yahan daale.
  7. Ab aap Validate & Download par click kariye.

Jaise hi aap Validate & Download par click karenge aapka aadhar card pdf file me download ho jaayega aur jab aap usko open karenge toh ek code maangega usme aap apna Pin code daale.

Toh doston kaisa laga aapko ye article plz share jaroor kare aur comment me bataye ki aapko ye post kaisi lagi.

Ummid karta hun ki aapko ye post bahut acchi lagegi plz hamare blog ko subscribe jaroor kare.

Comments (0)

Leave a Reply

Your email address will not be published. Required fields are marked *